بعض النصائح للمبتدأين
1. الجينرال بيكون اسبوع او اتنين او ممكن حتى شهر على حسب المبتدأ وجسمه وقدرته على الاستيعاب واداء التمارين
2. خلى اهتمامك فى البدايه يكون انك تتعلم صح اداء التمارين ودى اهم حاجه تركز عليها ياما ناس كتير قديمه بتتمرن غلط

3. خلى كل اوزانك فى البدايه خفيفه لحد ما جسمك يبدأ يتعود على الحمل والاوزان التقيله تدريجيا
4. متتسرعش انك عايز تثب للى حواليك فى الجيم انك قادر ترفع وتشيل وانت لسه فى البدايه ده ممكن يعرضك لأصابه تخليك تكرهه التمرين
5. اول ما تبدأ فى الجيم هتكون هايب المكان وشايف فورم حواليك كتير وانت اقلهم لازم تفهم ان كلنا بدأنا كده وممكن اقل منك كمان
6. متبقاش انهزامى وتقول انا مش قادر ارفع او اتمرن او مش عارف العب صح كل شئ بيجى بالاستمرار انا شخصيا بدأ بدمبل بتاع البنات علشان مقدرتش ارفع البار فاضى
7. اتعلم الانظمه الغذائيه واتعلم عن الاكل الى جسمك محتاجه وكل ده هتلاقيه مع جيم مصر سواء فى الصفحه او الموقع
8. خليك منظم اتعلم ترجع اوزانك مكانها بيقى معاك لبسك الخاص والمياه بتاعتك الفوطه خليك قدوه لغيرك حتى لو انت اصغرهم
ابدأ استمر متخافش وهتبقى وحش